Qendra po zbaton projektin “Rinia aktive për Integrimin Europian”, me mbështetjen e Kongresit Kombëtar Rinor në bashkëpunim me Bashkinë e Tiranës, në kuadër të programit “Tirana Kryeqyteti Europian i Rinisë 2022”. (WEB)

Qendra Europiane në bashkëpunim me organizatën Be the Change dhe me mbështetjen e Agjencisë Kombëtare të Rinisë janë duke zbatuar projektin “Fuqizimi i të rinjve pas pandemisë: sfidat dhe mundësitë” qëllimi i të cilit është rritja e kapaciteteve të të rinjve për t’u përballur me dinamikat e tregut të punës post katastrofave natyrore [Covid-19]. Projekti do të zbatohet në 10 Bashki të Shqipërisë: Tiranë, Vlorë, Shkodër, Elbasan, Korçë, Berat, Vau Dejës, Përmet, Lushnjë dhe Pogradec. (WEB)

Qendra Evropiane në bashkëpunim me Programin GIZ për Migracionin dhe Diasporën (PMD) po zbatojnë projektin “Rreziqet e migrimit të parregullt”. Qëllimi i këtij projekti është t’i ofrojë Agjencisë Kombëtare të Punësimit dhe Aftësive dhe banorëve lokale informacion dhe shërbime këshillimi në lidhje me rrugët e rregullta të migrimit në Gjermani ose vende të tjera të BE-së, mundësi studimi, trajnime profesionale, fushata sezonale të punësimit për studentët dhe informacion mbi rreziqet e migrimit të parregullt. (Manuale)

Qendra Evropiane në bashkëpunim me Konrad Adenauer Stiftung në Shqipëri kanë zbatuar Shkollën Verore Evropiane “Sfidat e integrimit në BE” për të tretën herë radhazi. Qëllimi i këtij projekti është të rrisë kapacitetet dhe njohuritë e studentëve dhe profesionistëve të rinj në lidhje me anëtarësimin e Shqipërisë në Bashkimin Evropian. Ky projekt u zbatua në Pogradec, por pjesëmarrësit ishin nga qytete të ndryshme të Shqipërisë.

Qendra Evropiane në bashkëpunim me Programin e Zhvillimit të Qëndrueshëm (SRD) të GIZ GmbH ka zbatuar projektin “Fuqizimi i të rinjve në bujqësi”. Kjo masë synonte të ndërtonte aftësi dhe kapacitete për të rinjtë dhe të rinjtë duke lehtësuar aksesin në mundësi të reja pune. Nisma u zbatua në pesë qytete: Lushnjë, Lezhë, Pogradeci, Gjirokastër dhe Shijaku.

Qendra Europiane në bashkëpunim me GIZ GmbH po zbatojnë projektin “Integrimi drejt tregut të punës: Unë mundem!”. Projekti vjen si një vazhdim i projektit të mëparshëm “Integro veten drejt tregut të punës”, zbatuar në bashkëpunim me GIZ GmbH dhe është më i fokusuar në parandalimin e migrimit, (ri)integrimin e të rinjve në tregun e punës dhe drejtimi i të rinjve drejt arsimit dhe formimit profesional. (WEB)

Qendra Evropiane në bashkëpunim me Programin e Zhvillimit të Qëndrueshëm (SRD) të GIZ GmbH finalizuan nismën “Studimi i nevojave të gjendjes dhe stokut në arsimin profesional në bujqësi”. Studimi analizoi situatën e arsimit profesional bujqësor në Shqipëri dhe propozoi veprime konkrete për vitet në vijim.

Qendra në bashkëpunim me KAS Shqipëri kanë zbatuar projektin “Sfidat e integrimit evropian” që konsistoi në një fushatë ndërgjegjësuese mbi hapat me të cilat përballet Shqipëria në rrugën drejt integrimit në Bashkimin Evropian. 

Qendra Europiane dhe GIZ (Deutsche Geselleschaft fur Internationale Zusammenarbeit) kanë zbatuar projektin “Integro veten drejt tregut të punës”, i cili kishte si qëllim të promovonte aksesin në formimin profesional dhe tregun e punës në Shqipëri dhe Gjermani, si mënyra për të minimizuar vulnerabilitetin e fëmijëve ndaj trafikimit, shfrytëzimit dhe migrimit të paligjshëm. 

Qendra Europiane dhe Fondacioni Konrad Adenauer Shqipëri implementuan projektin “Dita pas statusit kandidat – çfarë vjen më pas?”. Ky projekt ishte dizenjuar në dy faza, ku faza e parë konsistoi në botimin e një broshure me të gjithë informacionin relevant mbi rrugën e integrimit të Shqipërisë në BE. Ndërkohë, faza e dytë kishte të bënte të bëjë me zhvillimin e 3 tryezave tematike nëqytetin e Tiranës, Vlorës dhe Shkodrës, të cilat patën si kryefjalë diskutimi pesë prioritetet, që Komisioni Evropian i ka vendosur Shqipërisë. Aktivitetet e këtij projekti përkuan dhe me “Javën Evropiane 2015”.

Organizimi i konferencës shkencorekombëtare “Zhvillimet Ligjore dhe Institucionale në kuadrin e MSA-së”. Mbajtur në kuadrin e “Javës së BE-së 2014”, në bashkëpunim me Fakultetin Juridik Universiteti i Tiranës.  (Raporte)

“Unë dhe Europa”- Liria e Shërbimeve dhe Lëvizjes”- Qëllimi i projektit ishte prezantimi i Bashkimit Evropian para nxënësve të shkollave të mesme në Shqipëri, me qëllim përhapjen e njohurive mbi vlerat dhe realitetet evropiane, veçanërisht. liritë e lëvizjes dhe shërbimeve si një mënyrë për të jetuar dhe punuar në BE.

Realizimi i projektit mbi “Qendrën e Dokumentacionit të Bashkimit Europian” (EUDC) mbështetur nga Delegacioni i Këshillit Europian në Tiranë për të zhvilluar njohuritë rreth bashkimit Europian në vend.

Në ngritjen dhe funksionimin e Komitetit Kombëtar Përzgjedhës për të ndihmuar Kolegjin e Europës në Bryzh dhe Natolin për përzgjedhjen e kandidatëve shqiptare për të studiuar në këto Kolegje. Ky aktivitet u mbajt ne bashkëpunim me Komisionin Europian . Qendra ka një bashkëpunim të ngjashëm me Kolegjin Europian të Fondacionit të Parmës.